أبراج الخميس 19 ديسمبر 2019?

الحمل ♈

عندك شغل وعقد شراكة مع شخص ..
يومك طويل ولازم ترتبو منيح وتعرف كيف تنهي الأمور يلي فيها شغل مهم ومن الضهر عندك توتر بعلاقاتك فحاول تساير لأن مارح يكون الحظ معك باي مواجهة وفكر اكتر بشراكة جديدة او شغل ..
♡عاطفيا : روق ولاتتسرع بقراراتك لأن عم يكون في كتير خناق بينك وبين الشريك هاليوم شي طبيعي بس هدو الامور ..
■النسبة المئوية :
●مهنيا : %65 ●ماليا : %61 ●عاطفيا : %68 ●صحيا : %63

الثور ♉

اخبار حلوة الصبح وتعب المسا ..
عم تكون قدام بداية نهار فيها حظ واخبار بتفرحك مهنية وعائلية ومن الضهر عندك كتير شغل لكن انت قادر تخلص كل شي بوقتو وتحل امورك بدك بس تنظم وقتك وتنتبه لصحتك وتخلص الضروري أول ..
♡عاطفيا : خبر الشريك عن ظروفك وهو لازم يسندك بهيك يوم ويقدر ظروفك حتى مايخلق مشكلة ..
■النسبة المئوية :
●مهنيا : %72 ●ماليا : %66 ●عاطفيا : %75 ●صحيا : %64

الجوزاء ♊

بتتحسن اوضاعك عائليا وعاطفيا تدريجيا ..
عم تكون قدام مسؤوليات عائلية بتزيد صباحا وبكون عندك قصص بالشغل مع المقربين منك ومن الضهر بتتحسن امورك بشكل كبير وفيك تحل مشاكل كانت تاعبتك وفي فرص بتغيرلك وضعك للأفضل كمان ..
♡عاطفيا : اجواء حلوة وفكر اليوم بحب ممكن يجيك ويحسن وضعك العاطفي بشكل كبير حتى ممكن شخص من الماضي ..
■النسبة المئوية :
●مهنيا : %81 ●ماليا : %80 ●عاطفيا : %85 ●صحيا : %83

السرطان ♋

استغل علاقاتك وانتبه بالبيت من الضهر ..
بداية نهار حلوة عندك فيها حركة ولقاءات وعم تتواصل مع كتير ناس عبر الانترنت وباتصالات ومن الضهر عم يكون في قصة ببيتك عم تشغلك مابعرف اذا بدك تصلح شي او تبيع عقار او حتى شي صحي ..
♡عاطفيا : امورك حلوة هاليوم وبتشوف شخص بتحبو وتأكد انو رحوتسمع اخبار حلوة باتصال ممكن ..
■النسبة المئوية :
●مهنيا : %68 ●ماليا : %60 ●عاطفيا : %67 ●صحيا : %63

الأسد ♌

امورك المالية وعلاقاتك هية الافضل بيومك..
حاول تفكر كيف تنهي امورك المالية وتعرف شو بدك تشتغل وكيف تحسن من حالتك ومن الضهر عم يكون فيك تطلع وتشوف ناس بتحبن وتكون حاضر وبقوة وتغير كل شي لصالحك والسفر بكون وارد ..
♡عاطفيا : اجواء حلوة ناطرتك فاستغل حضورك وحاول تحصل على ثقة الشريك بشي مشورا رومنسي معو ..
■النسبة المئوية :
●مهنيا : %75 ●ماليا : %67 ●عاطفيا : %79 ●صحيا : %70

العذراء ♍

عندك يوم جيد وفي مال كمان ..
عم تكون بيوم بيدعمك على صعيد التغييرات والشغل والامور العقارية والمالية ومن الضهر يمكن عم تبلش مشروع جديد وعم تفكر تطور وضعك لكن كمان عم تفرد ايدك زيادة وعم تصرف بدون ماتحس ..
♡عاطفيا : عندك حضور حلو وعم تفكر تجيب هدية للشريك وتعزمو او تحصل على هدية منو ..
■النسبة المئوية :
●مهنيا : %81 ●ماليا : %80 ●عاطفيا : %78 ●صحيا : %83

الميزان ♎

هدي اول نهارك وبعدا وضعك بكون تمام ..
يبدو عم تبلش نهارك بقصص ماعم تكون مريحة وتحس بانو ماحدا عم يفهمك ومن الضهر بترجع ثقتك بحالك قادر تحل الأمورك بهاليوم وتكون ملفت للكل والناس بتدعمك بيرجع الحظ وتغييرات لصالحك ..
♡عاطفيا : روق مع الشريك ومن الضهر بتسمع صوت شخص غايب وبتحس انو كل شي احسن ..
■النسبة المئوية :
●مهنيا : %82 ●ماليا : %84 ●عاطفيا : %85 ●صحيا : %80

العقرب ♏

استغل مساعدة الاصدقاء ولاتتسرع من الضهر ..
عم يكون عندك كتير علاقات بتدعمك ببداية نهارك وبتقدر تطلب اي مساعدة لكن من الضهر حاول تبعد عن الاشخاص السلبيين بدي منك تنتبه من بعض العالم يلي عندك بوجهين فكون حذر وانتبه بالبيت ..
♡عاطفيا : حافظ على علاقتك بالشريك وعم يكون وضعك مكركب وماعم ترضى عن معاملتو معك بهاليوم ..
■النسبة المئوية :
●مهنيا : %62 ●ماليا : %61 ●عاطفيا : %68 ●صحيا : %64

القوس ♐

اجواء مهنية شغل مهم وعلاقات حلوة ..
عندك نهار في كتير قصص مهمة ولقاءات بناس على مستوى عالي وفيك تفكر بشغل جديد ومن الضهر عم يكون يومك حافل باللقاءات الاجتماعية مع الاصحاب وقادر تطلب مساعدة من صديق غالي ..
♡عاطفيا : عندك محبة من كتار فحاول تستغل حضورك بهاليوم لتحسن علاقاتك بمحيطك وتكون جاذبيتك عالية ..
■النسبة المئوية :
●مهنيا : %76 ●ماليا : %70 ●عاطفيا : %77 ●صحيا : %67

الجدي ♑

نهارك جيد وانتبه بعلاقاتك وخليك رايق ..
انت قدام تواصل مع كتير ناس وعلاقات جديدة ويوم بيبدأ بشكل جيد ومن الضهر لازم تكون جاهز وقد المسؤولية وتنجز كل شي بدقة عالية بدون ماتخالف القوانين ويمكن تتعرض سمعتك للحكي من البعض ..
♡عاطفيا : انت ملفت بحضورك وتطورات عاطفية منيحة بتحتاج منك عدم التسرع وانو تختار الأريح لقلبك ..
■النسبة المئوية :
●مهنيا : %77 ●ماليا : %66 ●عاطفيا : %74 ●صحيا : %69

الدلو ♒

اخبار مالية ناطرتك وسفر وناس جديدة ..
يعتبر من الايام الجيدة عندك عم تقدر تحل مشاكل وتحصل على مال كمان ومن الضهر ممكن تتعرف على شخص جديد وترتاح معو وممكن كمان تطور امورك بالشغل وتسافر وتتواصل مع ناس كتير ..
♡عاطفيا : عندك اجواء حلوة وبدي منك تفكر بتجديد بقلبك وخاصة بعلاقتك ويمكن في شخص جديد عم يكون ناطرك ..
■النسبة المئوية :
●مهنيا : %75 ●ماليا : %80 ●عاطفيا : %79 ●صحيا : %78

الحوت ♓

عم تكون مدايق ومن الضهر بتبلش تفرج ..
ماعم تكون رايق وكتير ناس عم تدايقك ببداية نهارك ومن الضهر يومك عم يكون افضل وتحسن تدريجي عندك يمكن تحصل على مال من شراكة او ميراث وعم تحل مشكلة وترتاح شوي من الضغوط ..
♡عاطفيا : اطمن في تحسن واوضاعك افضل وتطورات بتريحك بمجرى العلاقة بهاليوم عندك ..
■النسبة المئوية :
●مهنيا : %63 ●ماليا : %66 ●عاطفيا : %70 ●صحيا : %68

التعليقات مغلقة.