أبراج السبت 7 ديسمبر 2019 ?

الحمل ♈

يوم تاني جيد لتغيير وسفر ونجاح ..
بتقدر تغير وضعك للافضل وبتنجح بهيك يوم وشوي شوي عم تخلص من تعبك وانفراج عندك و رح تحس بتحسن وحلول بالأفق خليك واثق من حالك وكل شي تعب مر رح يزول تدريجيا وتصل للي بدي ياه ..
عاطفيا .. تفائل بهاليوم وخليك قوي وكل شي رح يكون منيح بس بدو وقت وشوية مسايرة ..
■النسبة المئوية :
●مهنيا : %93 ●ماليا : %86 ●عاطفيا : %85 ●صحيا : %88

الثور ♉

مابتكون مرتاح ومرق يومك على خير ..
بدي منك تكون هادي وماتتسرع لتعمل شي مهم بهاليوم بس لاتخاف وخليك صبور القصة بدها وقت بدي منك تكون منتبه والدنيا عم تتغير والقادم أفضل وانتبه لصحتك يوم متعب لكن بدك تروق ..
عاطفيا .. ماتعطي الشريك اكبر من حجمو وخليك بعيد عن العلاقات السطحية حتى ماتفوت بمشاكل وتتعب قلبك ..
■النسبة المئوية :
●مهنيا : %64 ●ماليا : %61 ●عاطفيا : %65 ●صحيا : %59

الجوزاء ♊

لقاءات وناس واجواء اجتماعية وناس عندك ..
بتقدر تعمل كتير امور بيومك وتستغل مساعدة الناس من حولك وعم تفوت بفترة خليك قريب فيها من رفقاتك وبدي منك تحاول تتقرب من الاهل لتحل قصة وعزيمة ناطرتك ومناسبة كمان ..
عاطفيا .. في ارتباط ممكن وحاول تفتح قلبك ورح تلاقي شي من الحب يلي عم تنتظرو هالفترة ..
■النسبة المئوية :
●مهنيا : %70 ●ماليا : %69 ●عاطفيا : %75 ●صحيا : %60

السرطان ♋

احداث بتشغلك ويوم مهم لشغل ..
من الايام يلي بتكون فيها باختبار او شغل جديد ناطرك ولقاءات مهمة بتحدد مصيرك وبدي منك تحاول تثتب حالك حتى ماتطلع بخسائر والدقة والتنظيم والانتباه مطلوبين منك وشغل ويوم حاسم ..
عاطفيا .. فكر بشخص مناسب ولاتصعد الخلافات مع الشريك لان حياتك العاطفية مهددة اذا ماعرفت تتصرف ..
■النسبة المئوية :
●مهنيا : %72 ●ماليا : %62 ●عاطفيا : %69 ●صحيا : %65

الأسد ♌

بتتعرف على اشخاص جدد وعندك حظ ..
يوم يعتبر جيد لتقيم علاقات جديدة وتحسن من وضعك بشكل عام بالبيت وخارجيا ويمكن بدك تبدا شي جديد وتغير بحياتك وبحاجة للدعم والفرصة ملائمة لهالشي وعندك سفر واتصالات بعيدة ..
عاطفيا .. العاطفة بتتحسن وعم تكون الخيارات كتيرة وانت مابدك تخسر اللشريك او محتار بين ماضي وحاضر ..
■النسبة المئوية :
●مهنيا : %85 ●ماليا : %81 ●عاطفيا : %83 ●صحيا : %78

العذراء ♍

امور مالية شاغلتك وقصص البيت عم تنحل ..
بتقدر تغير بوضعك وتفكر بقصة مالية بتخص عقار او ميراث يمكن وعندك قدرة على كسب المال وامورك رح تكون افضل قادر كمان تحل مشاكل قضائية وتشفى من مرض فترة اريح بانتظارك خليك متفائل ..
عاطفيا .. بترجع علاقتك فلاتسمح لظروفك تمنعك عن الشريك وحاول تضل قريب منو حتى يحس باهتمامك وهدية ناطرتك ..
■النسبة المئوية :
●مهنيا : %69 ●ماليا : %76 ●عاطفيا : %62 ●صحيا : %71

الميزان ♎

خليك مساير فكر بعقد عمل او شراكة..
عم تكون قدام يوم في مواجهات وماحدا عم يريحك وبدي منك تهدي وفكر بهاليوم بشراكات جديدة وقصص مهنية وكون رايق قدر الأمكان وحاول تساير شوي حتى ماتخسر ولاتفكر تفوت بمواجهة حدا ..
عاطفيا .. الوضع متقلب في تفكير بالارتباط عندك بس الاجواء متوترة هدي حالك قدر الامكان ..
■النسبة المئوية :
●مهنيا : %67 ●ماليا : %68 ●عاطفيا : %63 ●صحيا : %60

العقرب ♏

عندك شغل كتير ولازم تكون منظم وجاهز ..
حاول بهاليوم تكون جاهز لان عندك كتير شغل عم وممكن بداية شغل جديد وهالشي بحط عليك اعباء اضافية وتعب صحي ممكن خليك منتبه لهالشي ورتب امورك وحاول ما تتكاسل ودير بالك صحيا . .
عاطفيا .. لازم الشريك يحس فيك وممكن تحس بالوحدة ومابدك تبين للشريك انك تعبان ..
■النسبة المئوية :
●مهنيا : %68 ●ماليا : %65 ●عاطفيا : %60 ●صحيا : %58

القوس ♐

يوم جيد والحظ مساعد الك هاليوم ..
كتير احداث بتكون لصالحك وفي اخبار حلوة وحظوظ بتدعمك بهيك يوم وبيرجع الحظ بيوقف حدك وبساعدك لتتخلص من مشاكل عائلية وتحس براحة وعندك اجواء حلوة بانتظارك وقصة طفل تشغل بالك ..
عاطفيا .. اخبار عاطفية حلوة ويوم مميز وعندك قدرة على جذب الطرف الآخر واوقات ممتعة ..
■النسبة المئوية :
●مهنيا : %84 ●ماليا : %82 ●عاطفيا : %89 ●صحيا : %85

الجدي ♑

انتبه لأهلك وحاول تمرق يومك على خير ..
عم تنشغل بحدا من اهلك وماكتير مرتاح وعم يكون عندك تغييرات بشغلك وبدي منك تنتبه لوضعك مع المقربين ومو مرتاح وعم تحس في مشكلة بتخص الأهل او عيلتك وقلق صحيا وانتبه بقصة عقار ..
عاطفيا .. فيك تستغل حضورك وجاذبيتك بس يبدو مو مرتاح والعيلة عم تأثر عالحب عندك ..
■النسبة المئوية :
●مهنيا : %65 ●ماليا : %60 ●عاطفيا : %66 ●صحيا : %59

الدلو ♒

يوم في حركة ولقاءات بتدعمك ..
عم تشوف ناس كتير وتكون قدام يوم حافل وفي اتصالات بتريحك كمان ممكن تسافر وتقدر تنجح وعندك اليوم حلول بدي منك تنتبه من قصة بتخص اخواتك وكمان من الحوادث واعطال الموبايل ..
عاطفيا .. عندك لقاء حلو ويوم مميز بيحملك تواصل حلو مع الشريك وقادر تسحروا بطلتك ..
■النسبة المئوية :
●مهنيا : %71 ●ماليا : %73 ●عاطفيا : %70 ●صحيا : %69

الحوت ♓

عم تفكر بأمور مالية وعندك قبض ..
يوم بيدعمك بشغلك وماليا فاستغل هالشي وكمان لازم تضب ايدك شوي لان مصروفك زايد وهالشي بخليك بحاجة تعويض بس في فرص كبيرة لمكاسب مادية حاول تستغل هالشي ويوم بدو رواق ..
عاطفيا .. ماعم ترضى وانت بحاجة لقصة حب واستمرارية بعلاقاتك وهالشي ماعم يصير ..
■النسبة المئوية :
●مهنيا : %74 ●ماليا : %82 ●عاطفيا : %69 ●صحيا : %66

التعليقات مغلقة.