الكنافة

تاخذ رطل كنافة و اتقصو بالسكينة جويد و الا اتنجم ترحيها

بعد اطيب الشحور :

كاسين سكر و كاس ماء و عصير شطر كعبة قارص و اتخليه يطيب على نار هادية و بعد فى الاخر اتزيدو مغرفة ماء زهر وتخليه على جنب بعد اتذوب مغرفتين كبار زبدة و اتبسبسهم مع الكنافة اتنجم اتزيد ملون غذائى احمر…

تاخذ الطبق الى ماش اطيب فيه وتدهنو بالباهى بالزبدة طرية وتاخذ الريڤوته و الجبن موزريلا و اتخلطهم مع بعضهم مع مغرفة ماء زهر انا ما عنديش ريڤوته اخذيت نصف لتر حليب غليتها و زدتها مغرفة خل و صفيتها طيشت الماء و خدمت بالجبن بعد تفرش الكنافة فى الطبق و تنزل عليها بالباهى و تستويها قد قد اتنجم تعمل ورق باش تستوى باش ما تلصقش فىً يدك بعد اتحط عليها الجبن و ادخلها للفور 170درجة عشرة دقايق الفور سخون من قبل وبعد اتخرجها من الفور و تقلبها فى طبق آخر و تسقيها بالشحور و اتزينها بالفستق و اتقدمها بالشفاء

✔ملاحظة :

تنجم فى بلاصة الجبن تعمل اَي نوع متاع فواكه جافة مثلا فستق لوز بوفريوة

#روسات_الشاف_أمين