بيتزا بالشوكولاته 🍫🍫🍫

المكونات:
-500 غ فرينة
-1 خميرة خبز
-1 مغرفة قهوة سكر
-1 مغرفة قهوة ملح
– 3 مغارف كبار زيت جديدة
– 3 مغارف كبار حليب
بالنسبة للشكلاطة :
-100 غ شكلاطة كحلة
-100 غ شكلاطة بيضاء
-60 غ بوفريوة مرحية
-170 غ حليب مركز
-3 مغارف كبار سكر محور
-10 صل حليب
-80 غ جديدة

طريقة التحضير:
1- في صحفة نحطو الفرينة و السكر، الخميرة، الملح، زيت جديدة و الحليب و نخلط مليح
2- نزيد الماء الدافي بشوية بشوية و نعجن حتى نتحصل على عجينة متماسكة و نخليها تتخمر حتى يتضاعف حجمها (ساعتين على الأقل)
3- بعد ما تتخمر العجين، نعجنها بالباهي و نسطحها
4- حط البيتزا في الفور على 200 درجة لمدة 10 دقيقة

طريقة تحضير الشكلاطة :
في طنجرة وعلى نار هادية ذوب الشكلاطة الكحلة مع 85 غ من الحليب المركز وحرك وبعد زيد 5 صل حليب و-40 غ جديدة ومغرفة ونصف سكر محور وحرك مليح وبعد زيد البفريوة المرحية و خلط في الخلاط الكهربائي وبعد رجع الخليط على نار الهادية 2 دقائق

بالنسبة للشكلاطة البيضاء:
في طنجرة وعلى نار هادية ذوب الشكلاطة البيضاء مع 85 غ من الحليب المركز وحرك وبعد زيد 5 صل حليب و-40 غ جديدة ومغرفة ونصف سكر محور وحرك مليح لين يذوب الخليط وبعد اطفي
إدهن البيتزا نصف بالشكلاطة البيضاء ونصف بالشكلاطة بالبفريوة
زين بالغلة لي تحبها

التعليقات مغلقة.