بريوش بالكرام باتسيار

المقادير:

500غ فارينة و 2 اصفر بيض و 100غ سكر عادى و 100غ زبدة ذائبة و باكو فانيليا و شطر باكو خميرة و ربع ليتر حليب دافئ و رشةً ملح و مغرفة كبيرة خميرة خبز

الطريقة :

فى صحفة كبيرة اتحط الفارينة و رشةً ملح و خميرة الخبز و سكر الفانيليا و خميرة الڤاتو و اتخلط و بعد اتزيد السكر و اصفر البيض و الزبدة و اتخلط و بعد اتزيد الحليب الدافى بالشوية و تعجن لين تتحصل على عجينة تتلصق شوية اتغطيها و اتخليها تخمر فى بلاصة دافئة ساعة و بعد ما تخمر اتعاود تعجنها بيدك و اتقسمها كعبوارت صغار و اتخليهم يتحمرو مرة اخرى و بعد اتحل الكعبوارت بالطول و تضفر كل زوز مع بعضهم بشكل طولى و اتسكرهم من الاجناب و اتحطهم فى الطبق وبعد اتغطيهم و اتخليهم ربع ساعة يعاودو يتخمرو و بعد تدهنهم باصفر بيضة مع نكته حليب و ادخلهم للفور الى مسخن من قبل على 200درجة و فى الاثناء وقت هوما يطيبو اتحضر الكرام

باتسيار المقادير :

ربع لتر حليب و 50غ سكر و 2 اصفر بيض و 30غ نشا و باكو فانيليا او مبشور قارص و مغرفة كبيرة زبدة موش مذوبة…
اتحط المقادير الكل فى المكسور كان الزبدة و بعد اتحطهم فى كاسرونة و اطيبهم على نار هادية لين تعقد و بعد اتزيدها مغرفة الزبدة و اتخلط و بعد اتغطيها بالسولوفان و اتخليها تبرد و بعد ما يطيب البريوش اتحل الكعبة من الوسط و تحشيها بالكريمة اتنجم تستعين ب poche اتحط فيه الكريمة باش اتجى مزيانة و اترش عليهم السكر المحور و اتقدمهم بالشفاء

✅ملاحظة :
كان اتحب بريوش عادى موش مضفور اتنجم تعمل كعبورات و اتخليهم يخمرو و بعد ادخلهم يطبيبو و بعد تحشيهم بالكريمة

#روسات_الشاف_أمين

التعليقات مغلقة.