بقلاوة تركية

المكونات :

ورقة الفيلو filo فستق مرحى 300غ و اتنجم تستعمل لوز او بندق انت و الموجود و 500غ زبدة و ماء زهر و قرفة اختيارى

الشحور
كاس ماء و كاسين سكر و مغرفة قارص و مغرفة ماء زهر او ورد

الطريقة :

اتحضر الشحور اتحط فى كاسرونة على نار هادية السكر و الماء لين يذوب السكر أزيد بعد القارص و الزهر يغلى شوية و اطفى و بعد اتذوب الزبدة noisette يعنى اتذوبها و اتحرك كل مرة لين تعطى ريحة النوزات و بعد ترحى الفستق و ازيدو مغرفة زهر و قرفة كان اتحب و بعد تاخذ ورقة الفيلو و تدهنها بالزبدة و اتحط ورقة اخرى و اتحطها فوقها و تدهنها بالزبدة و بعد اترش الفستق و تاخذ عصا جودة اتحطها على حافة الورقة و تبرم كالبسكوى رولاي و بعد تاخذ الأطراف و اتسكرهم كيما الستائر و بعد تجبدها من العصى و اتحطها فى طبق مدهون بالزبدة و اتكمل هكة بقية الاوراق ملاحظة ورقة الفيلو ديمة اتهز كعبة و اتغطى الباقى باش ما اتشيحش و بعد تدهن البقلاوة من الفوق بالزبدة و اتقصها صوابع الكبر الى اتحب عليه و ادخلها للفور 180درجة 25دقيقة و بعد اتخرجها من الفور تسقيها بالشحور و اتزينها بالفستق و بالشفاء.

#روسات_الشاف_امين

التعليقات مغلقة.