بولوناز

المكونات :

250غرام لحم مفروم-رطل مقرونة بلومة-ثلاثة مغارف طماطم معجونة- مغرفة ونص قهوة فلفل أحمر-اربعة فصوص ثوم-شطر مغرفة قهوة فلفل اكحل وملح-ورقتين رند-شطر راس بصل

طريقة صوص بشمال :

نذوبو 50غ زبدة ونصبو فوقهم مغرفتين فارينة ونحركوهم بالباهي بعد نصبو فوقهم نص ليترا حليب ونحركو لين تولي كريمة ونحطو فيها اربعة طوابع جبن ورشة فلفل اكحل وملح

طريقة البولوناز :

نقليو اللحم في شوية زيت مع البصل والفلفل الاكحل والملح وبعد نحطو الطماطم والفلفل احمر والرند ونصبو الماء بالشوية ونخليوها تغلي ( الصوص يلزم تكون موش عاقدة وموش جارية ) وبعد نسمطو المقرونة في شوية ماء وملح شطر طياب المقرونة وبعد نخليوها تستقطر ونفرشو شطرها في الطبق ونصبو فوقو شطر الصوص وبعد نفرشو نصبو الشطر لاخر متع المقرونة ونصبو فوقو بقية الصوص وبعد نصبو فوقهم الصوص بشمال وندخلوها للفور 15دق على 180 درجة و بالشفاء

#روسات_الشاف_أمين

التعليقات مغلقة.