بيتزا كورناي

العجينة :

500غ فارينة باكو خميرة خبز و مغرفة كبيرة سكر و مغرفة صغيرة ملح و مغرفة كبيرة كرام فراش و حليب دافئ للعجن و 2 مغارف كبار زيت

🍴الطريقة :

فى كاس اتحط الحليب الدافئ و باكو الخميرة و مغرفة السكر و اتحطو يتخمر خمسة دقايق و فى الاثناء اتخلط الفارينة و الملح و مغرفة الكرام فراش و اتصب عليهم كاس الحليب الى خليتو يتخمر و تُعجن و اتزيد الحليب الدافئ بالشوية و عينك ميزانك حتى تتحصل على عجينة طرية و اتزيد الزيت و اتلم العجينة و اتغطيها و اتخليها ترتاح

و اتحضر صوص البيتزا :

اربعة كعبات طماطم اتقصهم جواد و اتقليهم فى مغرفتين زيت و اتفوح ملح و فلفل اكل و ثوم و اتزيد نصف فنجان ماء تغلى شوية اتزيدها زعتر و اكليل فى الاخر و اطفى عليها …
بعد ما تخمر العجينة اترش الفارينة و اتحل البات بالقلقال و اتقصها مستطيلات و اتنقبها بالفرشيطة و أتدور المستطيل الى قصيتو على الكورناي و اتسكرو بالباهى و اتكمل الكورنايات الكل و اترصفهم فى الطبق و ادخلهم للفور 200درجة خمسة دقايق بعد اتخرجهم و اتنحى الكورنايات و تاخذ كورنايات البيتزا و تدهنهم بالصوص و تعمل الحشو
لى اتحب مثلا :

تن و زيتون و كبار و موزريلا و جبن مبشور و اترجعها للفور درجين و اتقدمها مع المايوناز و الكتشوب كان اتحب و صحة و بالشفاء

#روسات_الشاف-امين

التعليقات مغلقة.