خبزة الهوا موس شوكولا

المقادير :

زوز باكوات بسكوى سيدة او اي نوع اخر يشبهلو انا خذيت واحد عادى و وواحد شكولا و قهوة ناسكفاي و للموس

شوكولا :
كرام فراش سائلة 2 دسل و 200غ شكلاطة سوداء و باكو فانيليا و مغرفة قهوة ناسكفاي محلولة فى مغرفة ماء

طريقة الموس :

تاخذ كاسرونة و اتصب الكرام فراش و اتخليها تسخن و بعد ما تسخن اتصبها على الشكلاطة الى زدتها ناسكفاي المحلول فى مغرفة ماء و الفانيليا و اتخليها درج و بعد اتخلطها بمغرفة لين تتجانس و اتغطيها بالسولفان و اتحطها على الاقل ساعة فى الفريجدار و بعد ما اتخرجها من الفريجدار اتركضها بالركاضة لين اتولى موس و بعد تاخذ طبق و اتغطس البسكوى فى القهوة و اترصف الطبقة الاولى و تعمل طبقة موس شكولا و تعمل طبقة اخرى بسكوى و طبقة موس شكولا لين اتكمل و بعد تدهنها كاملة بالموس و اترش عليها الكاكاو و ادخلها ساعة للفريجدار و بعد اتقدمها بالشفاء

ملاحظة :
انا الموس شكولا بعد ما ركضتها زدها daïm مهروش و انت اتنجم اتزيد كان اتحب

التعليقات مغلقة.