روز باللحم و بالفاكية

المكونات :
رطل علوش و فاكية مخلطة و زبيب

الطريقة:
تقلي اللحم في شوي زيت مخلط( نباتي و زيتونة) و بصلة فلفل اكحل . ملح و شوي زعفران .
كركم تقليهم مليح و تمرق و تخليهم يغليو.
تاخو الروز انا استعملت بسمتي تكون نفختو قبل ب 10 دق في ماء سخون باش يتنحالو هاك النشاء متاعو و يجي كل كعبة وحدها. و تحطو يتفور فوق الصوص و كل ربع ساعة تسقيه بالصوص الي يطيب فيه اللحم. بالنسبة ليا سقيتو 4 مرات ( انت و نوعية الروز).

– تاخو قلي صغير تحمر فيه الفاكية في معرفة زبدة و الي فضل تزيد تحمر فيه اللحيمات الي ديجا طابو باش ياخذو لون مزيان.

– الزبيب غسلتو مليح و نفختو في شوي زهر و كل ما نسقي الروز نرش شوي زهر الزبيب.

– مرحلة اخيرة تخلط شوي مالفاكية و الزبيب مع الروز و هو مازال في الكسكاس و تزين بالباقي مالفوق باش يجي واخو حقو في الفاكية و تحط اللحم من فوق.

التعليقات مغلقة.