سيتروناد????

الطريقة :

تاخذ كيلو قارص تغسلو بالباهى و تقصلو الاجناب و بعد تبشرو و اتخلى Zest الى اتحصلت عليه على جنب و بالسكينة انتنظف كعبة القارص من القشرة البيضاء البرانية بالباهى خاطر هاك الى تعمل المرارة هيا و القلوب و بعد اتقص القارصة على اربعة و اتنحى القلوب الى داخل و بعد اتزيدها لتر ماء و اتخليها تغلى فوق النار عشرة دقايق و بعد اتخرجها من النار و اتزيدها 300 غ سكر و نصف كمية Zest citron و النصف الآخر اتنجم تستحفظ بيه فى حكة و تستعملو مع الكيك مثلا …

ثم اتحركو بالباهى وفمة اشكون يزيد ورق النعناع و الا باكو فانيليا و بعد ترحيه بالموليناكس و بعد اتزيدو نصف لتر ماء و بعد اتصفيه بالصفاية و الا بقطعة قماش و اتصبو فى الدبابز و تحطو فى الفريجدار و وقت تستحق اتصبو فى كيسان و اتزيدو ماء بارد و” سكر اختياري” و اتنجم اتزيدو menthe و بالشفاء

#روسات_الشاف_أمين