شيرين اللجمي تطرح أغنية “لا يڨولي ولانڨوله” على اليوتيوب

طرحت الفنانة التونسية الشابة شيرين اللجمي كليب أغنيتها الجديدة الأسبوع الفارط يوم 16 من الشهر الحالي على قناتها الخاصة على اليوتيوب بعنوان “لا يڨولي ولانڨوله”.

أغنية “لا يڨولي ولانڨوله” من كلمات بشير بالحامد ومن ألحان شيرين اللجمي، أغنية من توزيع وميكساج مروان الزايدي، ومن ماستورينغ نصر الدين حداد، ولقد قام بتصوير الكليب إيهاب بالحاج.

وجاءت كلمات الأغنية كالتالي:

لا وينها لا وينه
ولا يقولي ولا نقوله
ما عاد بيني وبينه
كان الصلاة على رسول الله

أيامنا مع بعضنا
غنايات عند الناس
ما عاد ما يجمعنا
كان الوجع في الراس

على غير رادة ضعنا
لا ود لا محواس
في شتاتنا توزعنا
لا يطوڨلي ولا نطوڨله
ما عاد بيني وبينه
كان الصلاة على رسول الله

العيون كانت لامعة
ما كان فيها ضباب
صبحت عينينا دامعة
تقول ما جمعنا صواب

والناس بينا سامعة
وماعندهمش جواب
أيام كانت واسعة
في الود كنت نكون له
ما عاد بيني وبينه
كان الصلاة على رسول الله

ياما كتبنا قصايد
على حبنا المختوم
وتبدلت العوايد
لا ضحك لا مشموم

كان الدموع بزايد
وديان على المرقوم
لا مضارب لا وسايد
لا يطوقلي لا نطوقله
وما عاد بيني وبينه
كان الصلاة على رسول الله

لا وينها لا وينه
ولا يقولي ولا نقوله
ما عاد بيني وبينه
كان الصلاة على رسول الله

التعليقات مغلقة.