غريبة حمص بورقة الملسوقة

المقادير :
رطل حمص مرحى
200غ فارينة
100غ نشا
200غ سكر محور
200مل زيت زيتونة
جلجلان محمر مقدار فنجان
زبدة مذوبة 50غ
اوراق مسلوقة موش ديارى الملسوقة الى تتباع جاهزة
فستق مرحى للزينة

الطريقة :

تخلط الحمص و الجلجلان و النشا و الفارينة و السكر و تبدى اتبسسهم بالزيت لين تتحصل على عجينة اتعديها مرتين فى الرحى متاع اللحم باش ترطاب و اتولى مطاوعة للتشكيل و كان ما عندكش ماكينة لازم تخدمها بالباهى بيدك حتى اتولى رطبة و بعد تاخذ ورقة الملسوقة اتقصها على اربعة شكل مستطيل و فى الاثناء اتكون ذوبت الزبدة و حليت الفور على 150درجة و اتحل العجينة بالطول و اتقص صوابع الغريبة و تاخذ ورقة البريك تدهنها من الشيرتين بالزبدة و اتحط صبع الغريبة و ادورها و اترصف فى الطبق و بعد ادخلها للفور مدة 15دقيقة و بعد اتسكر الفور واتخليها تبرد فى الفور و فى الاثناء اتحضر شحور خفيف :
كاس سكر عليه كاسين ماء وعصير شطر كعبة قارص
و بعد ما يطيب الشحور تدهن كعبة الغريبة بالشحور و اترش عليها الفستق و بالشفاء

ملاحظة :
اثناء الطياب متاعها يخرج شوية من الاجناب اتنجم اتحل الفور و اتنظف الاجناب و اترجعها اطيب

#روسات_شاف_أمين

التعليقات مغلقة.