كعابر بيتزا مقلية

العجينة :
500غ فارينة باكو خميرة خبز و مغرفة كبيرة سكر و مغرفة صغيرة ملح و مغرفة كبيرة كرام فراش و حليب دافئ للعجن و 2 مغارف كبار زيت
الطريقة :
فى كاس اتحط الحليب الدافئ و باكو الخميرة و مغرفة السكر و اتحطو يتخمر خمسة دقايق و فى الاثناء اتخلط الفارينة و الملح و مغرفة الكرام فراش و اتصب عليهم كاس الحليب الى خليتو يتخمر و تُعجن و اتزيد الحليب الدافئ بالشوية و عينك ميزانك حتى تتحصل على عجينة طرية و اتزيد الزيت و اتلمد العجينة و اتغطيها و اتخليها ترتاح
و اتحضر صوص البيتزا : اربعة كعبات طماطم اتقصهم جواد و اتقليهم فى مغرفتين زيت و اتفوح ملح و فلفل اكل و ثوم و اتزيد نصف فنجان ماء تغلى شوية اتزيدها زعتر و اكليل فى الاخر و اطفى عليها
بعد ما تخمر العجينة اترش الفارينة على الرخامة و اتقسم العجينة على زوز و اتحل الجزء الاول و بكاس تعمل شكل دوائر من غير ما اتقصهم و اتحط فى كل شكل دويرة صوص البيتزا و التن و الزيتون المقطع و الموزريلا و اتحل النصف اللاخر و اتغطى بيه الجزء الاول و فى الاثناء اتحضر بيضة مركوضة فى صحفة و فى صحفة اخرى اتحط شابليرو اتحط الزيت يسخن و بعد اتقص الدوائر متاع البيتزا و تاخذ بالكعبورة ترميها فى البيضة المركوضة و بعد فى الشابلير و بعد ديراكت فى الزيت الى نقصت عليه بعد ما سخن و اتكمل الكعبورات الكل و تاكل بالشفاء

✅ ملاحظة :
من المستحسن الكعبورات دوب ما تعملهم تقليهم ديراكت ما انخليوهمش يرتاحو و الزيت اتسخنو بالباهى ووقت اتجى تقلى اتنقص عليه و اتحط نار متوسطة

التعليقات مغلقة.