كيك كرام فراش marbrée?

المقادير :

3بيضات و 150غ سكر و 300غ فارينة و نصف باكو خميرة ڤاطو و باكو فانيليا و حكة كرام فراش 200غ و zest ليمونة وحدة(ليمونة مبشورة يعنى)
و للزينة :
50غ شكلاطة سوداء و مغرفة كبيرة كرام فراش

?الطريقة :

اتحط الفور يسخن على 180درجة و تاخذ قالب كيك تدهنو بالزبدة و اترش عليه الفارينة و اتخليها على جنب…
فى صحفة اتكسر البيض و اتزيدو السكر و و السكر فانيليا و قشور الليمون و اتركض بالباهى لين يتضاعف حجم الخليط و بعد اتزيد حكة الكرام الفراش بعد ما نقصت منها مغرفة كبيرة على جنب و بعد اتزيد الفارينة المغربلة مع الخميرة و اتخلط بالشوية لين يتجانس الخليط وبعد فى كاسرونة اتحط مغرفة كرام الفراش تسخن و بعد اتزيدها الشكلاطة و اتحرك بالباهى و بعد اتصب الشكلاطة الى اتحصلت عليها فى وسط الكيكة و اتحرك بعود بشكل دائرى و ادخلها للفور 180درجةً لمدة 35دقيقة و بعد اتخرجها و اتخليها تبرد و اتقصها و اتقدمها بالشفاء

✅ملاحظة :

بالنسبة للى ما عندهمش ميزان راهو كاس ماء عادى يوزن 150غ معناتها تعمل كاس سكر و كاسين فارينة

#روسات_الشاف_أمين