لازانيا باللحم المفروم

الطريقة :

تاخذ رطل لحم اتقليه فى مغرفتين زيت و ازيدو بصل مفروم نصف راس و سنتين ثوم معصورين و بعد اتزيد مغرفتين طماطم حكة و اتحرك و تمرق بشطر كاس ماء و اتفوح فلفل احمر ملح و فلفل اكحل و تابل و كروية و اتخليها لين تشرب ماها
و بعد اتحضر السوس بيشمال
اتحط حكاية 50 غ زبدة اتذوب و بعد اتزيدها أربعة مغارف فارينة و اتحرك و بعد اتزيدها زوز كيسان حليب و اتحرك لين اتولى كالكريمة و بعد اتفوحها فلفل اكحل و رشة ملح و بعد فى طبق تعمل فرشة سوس طماطم الى باللحم و تعمل فوقها الفورماج râpe و بعد تعمل فرشة لازانيا و بعد اتعاود تعمل فرشة سوس طماطم و بعد فرشة سوس بيشمال و بعد الفورماج râpe و اتعاود تعمل طبقة لازانيا و تعمل كيما الطبقة الاولى اتنجم تعمل ثلاثة طبقات او أربعة او اكثر انت و علو الطبق متاعك المهم الطبقة الآخرة سوس طماطم و سوس بيشمال و فورماج râpé و بعد اتحط طروف زبدة من الفوق باش تعطى اللون الذهبى و المزيان للطبق بعد الطبخ

✅ملاحظة :
عملنا طبقة سوس طماطم فى الاول باش ما تلصقش و بالنسبة الفورماج راهو اي نوع متاع فورماج عندك اتنجم تعمل حتى فورماج طوابع كان اتحب

التعليقات مغلقة.