لحمة التن

المقادير :

قطع اسكالوب مشرحين جواد و حكة تن و معدنوس مقطع جويد و كعبتين عظم طايبين و عظمة و كبار و زيتون و مغرفتين سلاطة مشوية و كعبتين فورماج مثلث و فورماج râpée

الطريقة :

اتفوح الاسكالوب فلفل أكحل و رشة ملح و مغرفة زيت و كركم (زعتر و إكليل اختيارى) و بعد تفرشهم فى طبق وادخلهم للفور درجين على 180درجة
و بعد اتحضر الخليط الى باش اتحطو فى وسط الاسكالوب …
فى صحفة اتحط مغرفتين سلاطة مشوية و المعدنوس و التن و كعبة عظم مسموطة مقطعة و كبار و زيتون و كعبتين الفورماج و اتزيد عظمة نية و اتخلط بالباهى و بعد فى وسط كل كعبة اسكالوب اتحط مغرفة كبيرة من الخليط و أتزين بالعظم و اترش الفرماج râpée و ادخلهم للفور ربع ساعة على 180درجة و اتقدمهم مع سلاطة مشوية و الا مقرونة زعرا و الا سلاطة تونسية و بالشفاء

✅ملاحظة :
تنجمو تعملوها الروسات بهبرة البقري وتكون مشرحة جويدة

#روسات_الشاف_أمين

التعليقات مغلقة.