ماكرون شكولا???

المقادير و لازم تكون بالضبط :
110 غ لوز مرحى بالباهى و 225 غ سكر محور و 125 غ ابيض العظم و 50 غ سكر عادى و مغرفتين كبار كاكو و رشة ملح

الطريقة :

اتغربل اللوز بالباهى حتى ثلاثة مرات و اتغربل السكر المحور بالباهى و اتخلطهم و اتزيدهم الكاكاو و اتعاود اتغربلهم بالباهى و بعد اتركض ابيض العظم بالباهى مع رشة ملح و بعداتزيدو السكر بالشوية و اتركض بالباهى حتى يولى كمنقار العصفور و بعد اتزيد المكونات الجافة الى ابيض العظم المركض بالسباتيل و بشوية ووسعو بالكم خاطر هذى اهم نقطة لازم الخليط كاتهزو بالسباتيل يهبط ببطئ معناتها راهى الخلطة نجحت و بعد تفرش طبق الفور ب papier cuisson و اتعبى البوش بالخليط و اتهبط من البوش على الطبق فى شكل دايرة و اتخلى بين الكعبة و الكعبة ثلاثة صُم و كان تلقى صعوبة اتنجم اتصور دوائر على الورقة متاع الفور باش اتنجم اتبع عليها و بعد اتهز الطبق شوية و تضربو على الرخامة حتى خمسة مرات باش يخرج الهواء و بعد اتخليها ترتاح ساعة حتى لين تعمل قشرة من الفوق و اتشيح الكعبة و بعد الفور لازم يكون مسخن من قبل و تحشيها فى الفور على 160درجة مدة ربع ساعة و بعد خرجها تبرد و بعد ما تبرد زينها بالنوتيلا كيما اعملت انا و الا كان اتحب بالڤناش اتسخن 200 غ كرام فراش و اتصبها على 200 غ شكلاطة و كي تبرد صبها فى بوش و زين فى وسط الكعبة و سكرها

✔ملاحظة :
الماكرون اتخبيه فى حكة فى الفريجدار و تاكلو بعد نهارين وبالشفاء