مقروض سميد في الفور

المكونات :

1كغ سميد ارطب – 1كغ سميد متوسط – ليترا غير ربع زيت زيتونة – مغرفة زبدة – شوية عطرشية – مغرفة قهوة ملح – مغرفة قهوة كربوناتو سشاي خميرة قاتو – شوية قشور بردقان مرحي – رطل دقلة مرحية – جلجلان للزينة

الطريقة :

نخلطو السميد لرطب والمتوسط مع بعضهم وبعد نسخنو الزيت ونحطو فيه مغرفة الزبدة ونبسسو بيه السميد لين يتلم وبعد نحطو باقي المكونات الا قشور البردقان ونعجنو بالماء الدافئ والعطرشية وبعد نقسمو العجينة كعبورات ونبرمو بالكعبورة ونشقوها ونحشيو فيها الدقلة بعد منفوحوها بقشور البردقان ونسكرو ونعملو بالقالب ونقصو في شكل مقروض ونحطوهم في طبق وندخلو للفور مدة 15 دق على 160 درجة و بعد نشحروهم في السخون اذا المقروض بارد ونزينو بالجلجلان وبالشفاء

✔ملاحظة : إذا معندكش قالب قص صوابع والشحور اذا المقروض سخون اعملو بارد

#روسات_الشاف_أمين

التعليقات مغلقة.