مقرونة ببوش محشية بالسبناخ

المقادير:

500 غ مقرونة ببّوش
– 250 غ سبناخ
– 250 غ ريقوتة
– 150 غ جبن مرحي
– فصين ثوم مفروم
-بصلتين
– 150 غ تن
– ملح
– فلفل أكحل
-أربع طماطم مقشرة
-نص كاس زيت
-مغرفة طماطم معجونة
-أوراق حبق.

الصلصة: في طنجرة صغيرة على النار نصبو الزيت و نزيدو نص كمية البصل تتقلى على نار هادئة مع رشة ملح.
كي يذبل البصل نزيدو الثوم، نخلطو ونزدوالطماطم المعصورة، الطماطم المعجونة وتتبل بالملح والفلفل الأسود.
نزيدو نص كاس من الماء ونخليوه يطيب على نار هادئة ونزيدو الحبق .

الحشو:

في قلاية، نقليو السبناخ مع قليل من الزيت، الثوم، الملح والفلفل الأكحل حتى يتنح مائها. تخلطوه مع التن والريقوتة.نحيو القلاية من فوق النار،نزيدو ثلث كمية الجبن وتحركو حتى تسيح.
نسلقو الببّوش (مقرونة) في ماء مغلي مع رشة ملح ومغرفة زيت لمدة ستة دقائق (نصف طهي).
نخرجو بالشوية من الماء بواسطة ملعقة كبيرة ونحطوها في صحن واسع واحدة بجانب الأخرى فوق بعضها. نعبيو الببّوش بخليط السبناخ.
في طبق فرن نحطو الصلصة ثم نرصفو الببوش.
نزيدو القليل من الجبن ثم باقي الصلصة وأخيرا نرشو طبقة من الجبن وندخلو الفور على حرارة 200 درجة لمدة عشرين دقيقة.
تقدم ساخنة، بالشفاء.

التعليقات مغلقة.