مينى تارت

المقادير للعجينة :

150غ زبدة طرية بحرارة الغرفة و 300غ فارينة و زوز مغارف كبار سكر محور و رشةً ملح و رشةً خميرة ڤاطو و رشةً سكر فانيليا اختيارى و بيضة

الطريقة :

اتخلط بمغرفة و الا بيدك الزبدة و البيضة و رشةً الملح و رشةً الخميرة و السكر فانيليا والسكر محور لين يتجانس الخليط و بعد اتزيد الفارينة مغربلة و اتلم العجينة لمان بأطراف الصوابع ما تعجنهاش و بعد ما تتلم اتلفها فى ورق السولوفان و اتخليها ترتاح نصف ساعة فى الفريجدار و بعد تفرش بلاستيك على الرخامة باش اتسهل عملية فرد العجينة و اتحل العجينة بالقلقال و بعد فى les moule انت و نوع المول ovale و الا مدور و اتلصق الاجناب بالباهى بصوابعك باش ما يطيحوش وقت اطيبهم و اتنقب بالفرشيطة و بالنسبة للى اتخاف انها اطيح ادخلهم درجين للكونجيلتور قبل ما طيبهم و بعد ادخلهم للفور الى مسخن من قبل 180درجة 20 دقيقة

بالنسبة للزينة اتجم اتزين بالڤناش و للڤاناش اتسخن 100غ كرام فراش لكيد و اتزيدهم 100غ شكلاطة و بعد اتصبهم فىٌ التارت و اتزين بالفاكية

و بالنسبة للى بالغلة اطيب كرام باتسيار اما تشرى باكو كرام فنواز فانى حاضر و اطيبو و الا تاخذ 300 مل حليب عليهم فص بيضة و مغرفة سكر فانليا و مغرفة كبيرة نشاء و مغرفتين كبار سكر و اطيبها مع التحريك و بعد اتصب فوق التارت و اتزين بالغلة و تدهن الغلة بالناباج و كان ما عندكش ناباج سخن طرف عسل و ادهن بيه و كان اتحب كرام موسلين خلي الكريمة تبرد و ركض كرام شنتاي و زيدها للكرام باتسيار و ركض و بعد زين بيها التارت و بالشفاء

التعليقات مغلقة.