ڤاطو كرام فراش

الطريقة :

تاخذ اربع بيضات بحرارة الغرفة يعنى موش من الفريجدار لازم اتخرجهم قبل بمدة و لازم البيض يكون متوسط الحجم يعنى موش صغير و موش كبير و موش بومحين يعنى عادى و اتركض الأربعة بيضات مع 12 مغرفة اكل سكر و باكو فانيليا و اتركض بالباهى لين الخليط يتكاثف و بعد اتزيد حكة الكرام الفراش الى توزن 150غ و اتزيد 12 مغرفة اكل زيت نباتى و اتركض و بعد اتغربل 20 مغرفة اكل فارينة و ماذبيكم شوفو فارينة باهية متاع ڤاطو و معاها مغرفة اكل خميرة ڤاطو و اتزيدهم بالشوية للخليط متاع البيض و اتركض لين يتجانسو الخليط يجى عاقد يعنى وقت تكتب رقم ثمانية بالمغرفة يقعد ظاهر و فى الاثناء اتكون حطيت الفور يسخن على 180درجة و تاخذ مول قطرها 20 صُم و تدهنها بالزبدة و اترش عليها الفارينة و اتصب فيها الخليط و اتنجم اتزين باللوز مهروش من الفوق واتدخلها للفور اطيب لمدة 45 دقيقة و ممكن اكثر انت و الفور متاعك بعد نصف ساعة اتنجم اتحل الفور و بعود تدخلو فى الڤاطو باش اتشوفها طابت و الا من داخل كان خرج شايح راهى طابت و بالطبيعة كان اتشققت من الفوق عادى خاطر لازمها تتشقق باش اطيب من الداخل و بعد اتخليها تبرد و اتنجم اتخليها هكك و الا اتزينها بالشكلاطة و بالشفاء

التعليقات مغلقة.