ڤاطو موس شوكولا

المقادير :
ثلاثة بيض و اربعة مغارف كبار سكر و باكو فانيليا و اربعة مغارف فارينة كان اتحبها شكولا اعمل زوز فارينة و زوز مغارف كاكاو و رشة ملح هذا بالنسبة الجنواز الى اتجى من اللوطة .

بالنسبة للموس حكة كرام فراش épaisse العاقدة يعنى وباكو كرام شنتاي بودر و حليب باش اتركض بيه الشنتاي و 200 غ شكلاطة سوداء يعنى فيها 70 ٪ كاكاو و بالنسبة للكوش الفوقانية متاع الشكلاطة نحتاجو 200 غ شكلاطة سوداء و باكو كرام فراش liquide (سائلة )

✔ملاحظة :
كان اتحب طبقة جينواز كبيرة باش تعمل طبقتين طبقة اللوطة و طبقة فى الوسط زيد كعبتين بيض و على كل بيضة زيد 30 غ سكر و 30 غ فارينة و العظم لازمو يكون خرجتو من الفريجدار حتى قبل بليلة عادى لازم موش بارد
و هذى الكمية تكفى لطبق صغير متاع 20 صُم باش اتجيك عالية كان اتحب طبق اكبر او اتحبها اعلى اكثر زيد اعمل زوز باكوات كرام شنتاي و زيد الكرام الفراش

#روسات_الشاف_أمين