ڤرتان البذنجان و البطاطا و اللحم المفروم

المقادير :

250 غرام لحم مفروم
– 3 كعبات بطاطا وكعبتين بيذنجان كبار
– 150 غرام فورماج râpé –
مغرفتين طماطم معجون وسنتين ثوم وراس بصل

🍴الطريقة :

تقشر البطاطا وتقصها مكعبات وتقليها في الزيت وبعد تخليها تنشف من زيتها وبعد تنحي قشرة البيذنجان وتقصو مكعبات وتحطو يستقطر لي يتنحا منو الماء وتقليه وبعد تحط تحتو papier وفوقو papier باش يشرب الزيت عالاقل ساعة وبعد تحضر الصوص ترمي في طنجرة مغرفتين زيت وتقطع البصل والثوم وترميهم يتقلاو شوية وترمي عليهم بعد اللحم وتحرك وبعد تزيد مغرفتين الطماطم وتحرك وتزيد فنجان ماء وتفوح فلفل احمر ملح فلفل أكحل تابل وكروية وبعد ودرجين ربع ساعة تاخو طبق تفرش البطاطا المقلية الكل وبعد ترش شطر الفورماج وبعد تعمل البيذنجان كامل وتحط الصوص كاملة وتكمل فوقها الفورماج الباقي ودخلها للفور درجين في 180 درجة وبالشفاء


التعليقات مغلقة.