Bûche de Noël

المقادير بالنسبة للطبقة الجينواز :

6بيضات و 6مغارف كبار سكر و 6 مغارف كبار فارينة و مغرفة كبيرة فانيليا و مغرفة كبيرة خميرة و رشة ملح

الطريقة :

تفصل الابيض عند الأصفر اتركض الابيض مع رشة ملح لين يولى كالثلج و اتركض اصفر البيض مع السكر بالباهى و بعد اتزيد الفارينة المغربلة بالشوية بالشوية و اتحرك و بعد اتزيد الخميرة و اتحرك و بعد اتزيد خليط ابيض البيض بالشوية للخليط متاع الأصفر بالشوية و اتكون فى الاثناء خليت الفور يسخن على 180درجة و تفرش طبق الفور بالورق papier cuisson و تطرح الخليط بالسباتيل و تستويه و ادخلو للفور 12دقيقة و بعد كاتطيب اتخرجها من الفور و اتلفها فى ورق papier cuisson بعد ما اتكون نحيتها من الورقة الى طيبتها فوقها و الا اتلفها فى منديلة مندية و اتخليها على جنب و اتحضر
كريمة الزبدة

كريمة الزبدة شكولا المقادير :
200غ زبدة طرية بحرارة الغرفة 450غ سكر محور و 45مل حليب و 75 غ كاكاو او شكلاطة مذوبة فى حمام مائى و مغرفة سكر فانيليا

الطريقة :

اتركض الزبدة بالباهى و اتزيدها السكر بالشوية بالشوية و اتركض و بعد اتزيد نصف كمية الحليب و اتركض و بعد اتزيد الفانيليا و اركض و بعد اتزيد كمية الحليب المتبقية و فى الأخير اتضيف الكاكاو او الشكلاطة و اتخلط بالباهى لين يتجانس الخليط و بعد تفرش طبقة الجينواز و اترش عليها اي عصير عندك موجود او تعمل ماء و سكر و عصرة قارص و اترش و تدهنها بكريمة الزبدة و اتلفها و بعد تدهنها من البرة و تقص الاطرف و تدهن بكريمة الزبدة و بعد اتقص جزء و اتخليه فوق bûche كيما فى الصورة و تاخذ فرشيطة اتمررها بشكل حلزونى باش تعطى شكل جذع شجرة و اتزين كيما اتحب و اترش عليها الكاكاو و السكر المحور و اتقدمها بالشفاء

#روسات_الشاف_أمين

التعليقات مغلقة.