Gateau café chocolat

المقادير :

اولا نبدى بتحضير طبقتين جينواز الطبقة الاولى فانليا و الطبقة الثانية شكولا و نحتاج للطبقة الاولى اربعة بيضات و خمسة مغارف كبار سكر و خمسة مغارف كبار فارينة و باكو فانيليا و رشةً ملح و مغرفة صغيرة جيلك

الطريقة :
اتركض البيض و السكر و السكر فانيلا و رشةً الملح و مغرفة الجليك لين الخليط يولى ابيض و بعد اتزيد الفارينة مغربلة و تمزج مع بعضهم و بعد تفرش طبق الفور بورق الزبدة و اتصب الخليط وتوزعو على الطبق و ادخل للفور الى سخون من قبل على 180درجة مدة عشرة دقايق
و تَو اتحضر طبقة جينواز شكولا بنفس المقادير و نفس الطريقة لكن اتعوض زوز مغارف فارينة بزوز مغارف كاكاو
و تو بعد ما حضرنا الجينواز انحضرو كريمة الزبدة

المقادير لكريمة الزبدة :
300غ زبدة طرية بحرارة الغرفة اتخرجها من الفريجدار قبل بساعة و200غ سكر محور و حكة حليب ناستلى و مغرفة ناسكفاي محلولة فى مغرفة ماء و باكو كرام شنتاي غبرة

الطريقة :
اتركض الزبدة و اتزيدها السكر المحور و الناستلى و الناسكفاي و بعد فى صحفة اخرى اتركض الشنتاي وًبعد اتخلط كريمة الزبدة و الشنتاي
و تَو الطبقة الفوقانية متاع الشكلاطة المقادير :
100مل كرام فراش لكيد و 100غ شكلاطة سوداء

الطريقة :
اتسخن الكرام فراش و ازيدها الشكلاطة و اتحرك بالباهى و بعد اتزين بيها الڤاتو
و فى المونتاج متاع الڤاتو تسقى الڤاتو بالقهوة انا استعملت قهوة فيلتر اتنجم تستعمل قهوة كحلة ناسكفاي او اتنجم كان اتحب مطعم اخر تسقى باي عصير عندك او تسقى بالماء و السكر و عصرة قارص دوب يغلى و بعد تسقى بيه

✔ملاحظة :
بالنسبة للناس الى معندهاش جيلك تفصل ابيض العظم وحدو و اصفر العظم وحدو و تركض الأصفر مع السكر و تركض الابيض مع رشةً ملح و بعد اتخلطهم
(الخليط من غير خميرة راهو )
و بالنسبة للعباد الى اتحب اتزين بكريمة الزبدة كهو موش لازم شنتاي و اتنجم تعمل الڤو الى اتحب و اتنجم تستعملو كان شنتاي من الداخل و انتم وشنو اتحبو

#روسات_الشاف_أمين

التعليقات مغلقة.